| INSTAT: Fillimi vitit, rritje të ndjeshme çmimesh |
|
|
|
| e hënë , 08 shkurt 2010 | |
 Banka e Shqipërisë rrezikon që në vitin 2010 të humbasë bastin e inflacionit. Janari, sipas raportimit më të fundit të INSTAT, edhe pa u llogaritur rritja e cmimit të energjisë elektrike ka regjistruar një normë inflacioni 3.6 për qind. Kjo shifër është shumë afër objektivit të bankës që është 4 për qind.
"Cmimet e konsumit gjate muajit janar te vitit 2010 pesuan nje rritje prej 0.5 per qind, krahasuar me muajin e meparshem. Ndryshimi vjetor i cmimeve te konsumit eshte 3.6 per qind, nga 2.1 per qind qe ishte nje vit me pare. Sqarojme se ndryshimin te cmimit te energjise elektrike do ta reflektojme ne indeksin e muajit shkurt", thote Hazbie Bunguri, specialiste e cmimeve INSTAT. Cmimet e mallrave që prej shtatorit 2009 kur inflacioni ishte vetëm 2 për qind kanë ardhur gjithnjë e në rritje. Kjo ka vështirësuar vazhdimisht pozicionin e konsumatorit përballë tregjeve, si të ushqimeve ashtu dhe të artikujve të tjerë. "Indeksi i grupit ushqim dhe pije joalkoolike, persoi nje rritje prej 3 per qind, brenda te cilit rritjen me te madhe prej 8.1 per qind verehet ne grupin zarzavate. Indeksi i grupit pije alkoolike dhe duhan shenoi nje rritje prej 0.5 per qind, ku vecojme rritjen e cmimit te duhanit me 1.2 per qind, krahasuar me vitin e meparshem. Gjate muajit janar cmimet e karburantit vazhduan te rriten, dhe konkretisht, cmimi i naftes u rrit me 0.1 per qind, dhe cmimi i benzines me 0.7 per qind", vijon Bunguri. INSTAT ka bërë me dije se llogaritja e cmimit të energjisë në normën e inflacionit do të bëhet muajin që vjen pasi edhe faturat e energjisë së janarit paguhen në shkurt. Adi Darsi |
| < I mëparshmi | Tjetri > |
|---|
Cherie Bler, bashkeshortja e ish- kryeministrit britanik Tony Blair
viziton per here te pare Shqiperine. Ardhja e saj ne Tirane, u realizua
pas nje ftese private te familjes Taci.
