|
Transaksione bankare nëpërmjet celularit |
|
|
|
|
e premte , 05 mars 2010 |
 Të kryesh transaksione bankare nëpërmjet celularit. Kjo është ambicja më e re e qeverisë shqiptare, dhe që përbën një praktikë tashmë të njohur në botë e që njihet si mobail banking. Kryeministri Sali Berisha e ka diskutuar këtë inisiativë në një takim me ministrin e Financave Ridvan Bode, ministrin e Shtetit Genc Pollo, Guvernatorin e Bankës së Shqipërisë Adrian Fullani, si dhe ekspertë e drejtues të tjerë nga financat dhe komunikimi elektronik.
Berisha ka kërkuar që përdorimi i celularëve nga qytetarët shqiptarë për
veprime bankare duhet të përbëjë një standard që duhet të arrihet me
shpejtësi, pasi lehtëson ndjeshëm dhe ka leverdi të madhe për
qytetarët. Qeveria do të hartojë një politikë stimuluese dhe një plan
eficent veprimi, në mënyrë që sa më shpejt të kapen nivele të tilla të
larta të përdorimit të internetit, nisur edhe nga përdorimi i gjerë i
celularëve në Shqipëri ka deklaruar Kryeministri. Pas këtij takimi
Berisha ka pritur edhe përfaqësuesin e FMN-së z.Gerëin Bell, i cili
shprehu mbështetjen e FMN-së ndaj qeverisë shqiptare dhe e përgëzoi atë
që kapërceu me sukses vitin 2009. Berisha e siguroi zyrtarin e Fondit se
mbetet i vendosur të vazhdojë forcimin stabilitetit makroekonomik, dhe
të rrisë investimet vendase e të huaja.
Adi Darsi
|
Cherie Bler, bashkeshortja e ish- kryeministrit britanik Tony Blair
viziton per here te pare Shqiperine. Ardhja e saj ne Tirane, u realizua
pas nje ftese private te familjes Taci.
