|
LSI, Rama: Zgjidhja e krizës përmes dialogut politik |
|
|
|
|
e hënë , 08 shkurt 2010 |
 Zgjidhja e ngërçit politik në vend mund të arrihet vetëm përmes dialogut institucional. Kështu i përgjigjet LSI paralajmërimit të socialistëve për protesta në rast të dështimit të tryezës së bisedimeve mes Berishës e Ramës. Sekretari për marrëdhëniet publike në LSI Luan Rama e vlerësoi absurd dhe të pakuptimtë realitetin e krijuar për shkak të bojkotit të parlamentit nga deputët socialistë, ndërsa theksoi se kërcënimet dhe imponimi përmes mitingjeve nuk është rruga për kapërcimin e krizës.
“Realiteti i krijuar për shkak te bojkotit te Parlamentit prej
lidershipit te Partisë Socialiste është sa absurd aq edhe i pakuptimte,
sepse stonon e iu bie ndesh aspiratave europiane te qytetareve
shqiptare, te cilët presin te mësojnë jo se kur e ka mitingun e rradhës
Edi Rama, por se kur do te behet i mundur liberalizimi i vizave qe edhe
ata te lëvizin te lire si bashkëqytetarët e familjes europiane. LSI
vazhdon t’i përmbahet me seriozitet pikëpamjes se vetëm dialogu
institucional dhe transparent e jo gjuha e kërcënimit dhe e imponimit
përmes mitingjesh është rruga europiane qe na shpie drejt zgjidhjes dhe
kapercimit te impasit politik. LSI e mbështet dhe vazhdon ta inkurajoje
Presidentin e Republikës duke e siguruar ate ne partneritetin e plote
dhe pa kushte” tha Rama.
Ai tha më tej se kërkesa e Edi Ramës për takim te ngushte me kreun
demokrat nuk përbën problem për LSI, por shtoi se lideri socialist është
zëdhënës e mbrojtjes i interesave te ngushta, prej nga lindin edhe
zgjidhje te deformuara.
|
