| Kupa e Botës, Rooney pret trofeun në Londër |
|
|
|
| e premte , 12 mars 2010 | |
 Sulmuesi i Manchester United dhe Anglisë, Uayne Rooney, ka pritur trofeun e Kupës së Botës, në Londër, pjesë e udhëtimit të këtij trofe, në rrugën drejt Afrikës së Jugut. Trofeu, që ka kryer një tur të paprecedent duke përshkuar 138,902 km dhe vizituar 83 vende, është prezantuar përpara tifozëve në Earls Court.Rooney ka shënuar 23 gola në Premier League këtë sezon dhe është në një formë të jashtëzakonshme kështu që shpresat e Anglisë për të fituar Kupën e Botës, pas 44 vjetësh, bien pikërisht mbi supet e tij. "Përpiqem të mos mendoj shumë për Kupën e Botës, sepse më parë duhet të përqendrohem tek klubi im, edhe pse Kupa e Botës është një ëndërr për cdo futbollist," u shpreh Rooney. 24 vjecari shpreson që Anglia të fitojë Kupën e Botës, për herë të parë që nga viti 1966. Në Afrikën e Jugut, Anglia do të luajë në grupin C kundër Shteteve të Bashkuara, Algjerisë dhe Sllovenisë. "Jemi në pozita shumë të mira me Manchester United, në krye të renditjes për momentin dhe në çerekfinale të Champions League. Edhe me Anglinë gjërat po shkojnë shumë mirë kështu që shpresojmë të zhvillojmë një turne të bukur dhe endërrojmë të kthejmë trofeun në shtëpi në fund të korrikut," përfundoi Rooney. Trofeu i Kupës së Botës do të qendrojë në Britaninë e Madhe në fundjavë përpara se të vazhdojë udhëtimin e gjatë drejt Afrikës së Jugut dhe ndalesë e ardhshme është Parisi. Eno Skarço |
| < I mëparshmi | Tjetri > |
|---|
Cherie Bler, bashkeshortja e ish- kryeministrit britanik Tony Blair
viziton per here te pare Shqiperine. Ardhja e saj ne Tirane, u realizua
pas nje ftese private te familjes Taci.
